Haluç (psikozat e kokainës)

Haluç (psikozat e kokainës) tregon historinë e një efektivi të shkëlqyer të Akademisë Komando (Mika) i cili e gjen veten në errësirën e botës narkotike. Një djalë me shumë pasione dhe ëndrra, por nevoja për para e shndërroi atë në një shpërndarës droge, një person që nuk e imagjinonte kurrë. Në fillim gjithçka dukej magjepëse, paratë fillonin ti shijonin, jeta e qejfit nuk mbaronte. Gjithçka dukej si një ëndërr e bukur që nuk mbaronte kurrë, por shumë shpjet Mika fillon të përjetojë anën djallëzore të drogës dhe haluçinacionet dhe çmendurinë që të jep. Shumë shpejt ai merr një telefonatë nga koka e rrjetit narkotik shqiptaro-amerikan Big Boss, bosit të madh të drogës për të cilin ai punon. Big Bossi i kërkon Mikës 100.000 euro të cilat atij i mungojnë nga gjithë sasia e drogës që ai i ka dhënë. Big Bosi kamoflohet si artist, bisnesmen, pianist, ndërkohë po shtrihet me krimet e tij në ballkan dhe Europë. Një vend si Shqipëria ku të gjithë kanë një çmim dhe mund të korruptohen është shumë e lehtë për këtë "Al Capone" të bëj çfarë të dojë dhe të ketë nën kontroll të gjithë, pa perjashtim. Drejtori i Policisë së Shtetit Gjergj Kanani në bashkepunim me Drejtesinë e Re Shqiptare (SPAK) i vihen nga pas duke i bërë dosjen për ta vënë pas hekurave njëherë e përgjithmonë.