Po të merrnit vesh që ne nuk jemi vetëm, po t'iu tregonte dikush, t'ua vërtetonte dikush këtë, do të trembeshit? Këtë verë e vërteta iu përket shtatë miliard njerëzve. Po i afrohemi...Ditës së Të Vërtetës.
Filmi shfaqet në gjuhën japoneze me titra në anglisht. Makoto është një adoleshente tipike që shumicën e ditëve i kalon duke u relaksuar me shokët. Një ditë, teksa vrapon për t’u takuar me hallën e saj, pothuajse goditet nga një tren, por në momentin e fundit hidhet prapa në kohë, para aksidentit. Ajo menjëherë fillon të përdorë aftësinë e re për të rregulluar çdo shqetësim të vogël – nga rezultatet e dobëta në provime deri te deklaratat e çuditshme të dashurisë. Megjithatë, përballë pasojave të ndërhyrjes në kohë, Makoto duhet të bëjë gjithçka që mundet për të shmangur një të ardhme të tmerrshme që nuk mund të kthehet. Nga regjizori i nominuar për Çmimin Oscar, Mamoru Hosoda, rizbuloni *The Girl Who Leapt Through Time* në ekranin e madh, tani i restauruar në një rezolucion mahnitës 4K.
Vjen rikthimi i shumëpritur i Vudit, Bazit dhe miqve të tyre në një botë ku lodrat përballen me një sfidë të re: fëmijërinë që ndryshon dhe teknologjinë që po zë vendin e imagjinatës. Kur një zgjedhje e vështirë i vë përballë së kaluarës dhe së ardhmes, ata duhet të rizbulojnë çfarë do të thotë të jesh lodër dhe të qëndrosh besnik ndaj atyre që do.
Akordimi i një pianoje në mënyrë të përkryer kërkon një aftësi të jashtëzakonshme dëgjimi. E njëjta aftësi hyn në punë kur hap kasaforta. Niki (Woodall) e bën këtë zbulim kur restauron një pianofort të lënë pas dore në një lagje të pasur të Nju Jorkut. Kur mentori i tij Harri (Hofman) sëmuret, dhe shpenzimet mjekësore dalin jashtë kontrollit, Niki është gati të bëjë gjithçka për t'u kujdesur për njeriun që e rriti. Ndërsa e gjen veten të zhytur më thellë në botën e krimit, Niki njihet dhe bie në dashuri me Ruthin, një kompozitore e re e jashtëzakonshme që e rikthen tek pasioni i tij për muzikën. Por ortakët e rinj të Nikit në biznes janë të rrezikshëm, dhe thjesht fakti që aftësitë e tij hapën derën në botën e tyre, kjo nuk do të thotë që do ta lënë të largohet.
Këtë verë, DC Studios sjell një hit të ri që ngre edhe më lart spektaklin e superheronjve në ekranin e madh. I drejtuar nga Craig Gillespie dhe me skenar nga Ana Nogueira, filmi ka në rolin kryesor Milly Alcock në një rol të fuqishëm të dyfishtë si Kara Zor-El / Supervajza, një heroinë historia e së cilës do të ndryshojë ekuilibrin e forcave në univers. Kur një armik i pamëshirshëm godet shumë pranë saj, Kara detyrohet të nisë një udhëtim epik ndërgalaktik për hakmarrje dhe drejtësi. Duke u bashkuar me një aleat të papritur, ajo përballet me kërcënime që do të vënë në provë jo vetëm fuqinë e saj, por edhe zemrën e saj.
Fituesja e çmimit Oskar, Penelope Kruz, bashkë me Eduard Norton, Seth Rogen dhe Olivia Uajld, udhëheqin këtë komedi inteligjente për një natë, një martesë, seksin dhe të vërtetat e panumërta të pakëndshme që do të dalin në sipërfaqe. Xho e Anxhela kanë kohë që përpiqen të gjejnë gjuhën e përbashkët, por një darkë me fqinjët mund t’i detyrojë të përballen me çështje që prej kohësh i kanë fshehur nën rrogoz. Ajo që nis si një vizitë e thjeshtë mes fqinjësh shpejt shndërrohet në një mbrëmje të mbushur me rrëfime të sikletshme, sugjerime të papritura, xhelozi, dëshira të fshehta dhe biseda që shumica e çifteve nuk do t’i bënin kurrë me zë të lartë. Ndërsa vera rrjedh dhe maskat bien ngadalë, kufiri mes mirësjelljes shoqërore dhe katastrofës së plotë emocionale bëhet gjithnjë e më i hollë. Në një apartament, gjatë një mbrëmjeje të vetme, katër persona do të zbulojnë shumë më tepër për njëri-tjetrin sesa kishin planifikuar ndonjëherë.
Me suksesin botëror të komedisë më të mirë të verës 2024, Despicable Me 4, të saporealizuar, Illumination e zgjeron universin e animuar gazmor me një kapitull të ri plot zhurmë, ku përfshihen personazhe të reja, në panteonin më të madh të animuar që ka njohur bota: Minions & Monsters. Kjo është historia e rrëmujshme, qesharake dhe plotësisht e vërtetë se si Minions pushtuan Hollivudin, u bënë yje kinemaje, humbën gjithçka, lëshuan përbindëshat nëpër botë dhe pastaj u mblodhën bashkë për të shpëtuar planetin nga kaosi që sapo kishin krijuar.
Fituesja e çmimit Oskar, Penelope Kruz, bashkë me Eduard Norton, Seth Rogen dhe Olivia Uajld, udhëheqin këtë komedi inteligjente për një natë, një martesë, seksin dhe të vërtetat e panumërta të pakëndshme që do të dalin në sipërfaqe. Xho e Anxhela kanë kohë që përpiqen të gjejnë gjuhën e përbashkët, por një darkë me fqinjët mund t’i detyrojë të përballen me çështje që prej kohësh i kanë fshehur nën rrogoz. Ajo që nis si një vizitë e thjeshtë mes fqinjësh shpejt shndërrohet në një mbrëmje të mbushur me rrëfime të sikletshme, sugjerime të papritura, xhelozi, dëshira të fshehta dhe biseda që shumica e çifteve nuk do t’i bënin kurrë me zë të lartë. Ndërsa vera rrjedh dhe maskat bien ngadalë, kufiri mes mirësjelljes shoqërore dhe katastrofës së plotë emocionale bëhet gjithnjë e më i hollë. Në një apartament, gjatë një mbrëmjeje të vetme, katër persona do të zbulojnë shumë më tepër për njëri-tjetrin sesa kishin planifikuar ndonjëherë.
