Margot Robbie dhe Jacob Elordi udhëheqin grupin e aktorëve në përshtatjen interesante të klasikut "Lartësitë e stuhishme", nga regjisorja fituese e çmimit Oskar Emerald Fennell (Promising Young Woman), që sjell një qasje të freskët dhe moderne ndaj një prej historive më të famshme të dashurisë së të gjitha kohërave. Në malësitë e largëta e të rrahura nga erërat e Anglisë, mes dy shpirtrave të trazuar, Kethit e Hithklifit, lind një pasion që sfidon gjithçka, arsyen, moralin dhe shoqërinë. Dashuria e tyre, po aq e fuqishme sa edhe shkatërrimtare, shndërrohet në një obsesion që përndjek breza dhe shkatërron gjithçka që i rrethon.

Margot Robbie dhe Jacob Elordi udhëheqin grupin e aktorëve në përshtatjen interesante të klasikut "Lartësitë e stuhishme", nga regjisorja fituese e çmimit Oskar Emerald Fennell (Promising Young Woman), që sjell një qasje të freskët dhe moderne ndaj një prej historive më të famshme të dashurisë së të gjitha kohërave. Në malësitë e largëta e të rrahura nga erërat e Anglisë, mes dy shpirtrave të trazuar, Kethit e Hithklifit, lind një pasion që sfidon gjithçka, arsyen, moralin dhe shoqërinë. Dashuria e tyre, po aq e fuqishme sa edhe shkatërrimtare, shndërrohet në një obsesion që përndjek breza dhe shkatërron gjithçka që i rrethon.

Nga Sony Pictures Animation, studioja që solli Spider-Man™: Across the Spider-Verse, vjen GOAT, një komedi aksioni origjinale, që zhvillohet në një botë ku të gjithë janë kafshë. Historia ndjek Will-in, një cjap i vogël me ëndrra të mëdha, i cili merr shansin e jetës për t’u bashkuar me profesionistët dhe për të luajtur roarball – një sport me intensitet të lartë, miks gjinor dhe me kontakt të plotë, i dominuar nga kafshët më të shpejta dhe më të egra në botë. Shokët e rinj të skuadrës nuk janë të entuziazmuar që kanë një cjap të vogël në formacionin e tyre, por Will është i vendosur të revolucionarizojë sportin dhe të vërtetojë një herë e përgjithmonë se “të vegjlit dinë të luajnë!”

Luizi, një këngëtar i harruar, bëhet papritur i famshëm brenda ditës dhe gjithë Shqipëria çmendet! Luizi, një këngëtar i harruar, bëhet papritur i famshëm brenda ditës dhe gjithë Shqipëria çmendet! Për të ruajtur famën dhe për të fituar zemrën e Kiares, vajzës që dashuron, ai duhet të mbajë një gënjeshtër që i fut të dy në një varg situatash plot humor dhe kaos.

Jason Statham rikthehet në formë të shkëlqyer aksioni në thrillerin e ri plot tension nga regjisori i filmave hit Greenland dhe Angel Has Fallen! Ngjarja ndjek një burrë të vetmuar në një ishull skocez, i cili gjen një vajzë në det, duke nisur kështu një zinxhir ngjarjesh që e detyrojnë të përballet me të shkuarën e tij.

Martesa e një çifti shkatërrohet kur ai vendos t’i përkushtohet komedisë në Nju Jork dhe ajo zbulon sërish vetveten. Së bashku mësojnë ta ridimensionojnë marrëdhënien e tyre dhe dinamikën familjare në mes të ndryshimeve të mëdha.

Nën sfondin e ashpër dhe të nxehtë nga dielli, në Los Angeles, Crime 101 shtjellon historinë e një hajduti të pakapshëm bizhuterish (Chris Hemsworth), vargu i grabitjeve i të cilit përgjatë autostradës 101 ka hutuar policinë. Kur ai synon grabitjen e jetës së tij, rruga e tij kryqëzohet me një ndërmjetëse sigurimesh të zhgënjyer (Halle Berry), e cila po përballet me një dilemë personale. I bindur se ka zbuluar një model, një detektiv i pamëshirshëm (Mark Ruffalo) po i afrohet gjithnjë e më shumë, duke e tensionuar edhe më shumë situatën. Teksa grabitja afrohet, kufiri mes gjahtarit dhe presë fillon të zbehet, dhe të tre përballen me zgjedhje që do t’u përcaktojnë jetën – si dhe me realizimin se nuk ka më kthim pas.

Ai nuk e bëri dasmën. Por bëri muajin e mjaltit më të bukur të jetës së tij. Kur e fejuara e braktis në altar në mes të Italisë, Meti (Kevin James) nis papritur muajin e mjaltit… i vetëm. Ajo që fillon si dita më e keqe e jetës së tij, shndërrohet në një aventurë të ngrohtë, plot humor dhe emocione, mes kulturës italiane, ushqimit dhe bukurisë së jetës.   Gjatë këtij udhëtimi, Meti rizbulon gëzimin e jetës dhe sa vjen ai si njeri. Një takim me italianen Xhia ia ndryshon këndvështrimin për dashurinë, ndërsa Italia i hap derën drejt një fillimi të ri.

Neve Campbell rikthehet në rolin e saj ikonik si Sidnei Preskot në një kapitull të ri të sagës legjendare të horrorit. Kur një fytyrëfantazmë e re shfaqet në qytetin e qetë ku Sidni ka ndërtuar një jetë të re, frikërat e saj më të errëta rikthehen dhe vajza e saj bëhet objektivi i radhës i një vrasësi misterioz. E vendosur të mbrojë familjen, Sidni duhet të përballet me tmerrin e së shkuarës për t'i dhënë fund përgjithmonë kësaj vale gjakderdhjeje.

Motrat Nora dhe Agnes ritakohen me babanp e tyre të larguar, Gustavin karizmatik, dikur regjisor i famshëm që i ofron Norës, aktore teatri, një rol në filmin që ai shpreson ta rikthejë drejt suksesit. Kur Nora e refuzon, ajo zbulon shpejt se ai ia ka dhënë rolin e saj një ylli Hollivudi që e pranoi me kënaqësi atë. Papritur, të dyja motrat duhet të menaxhojnë marrëdhënien e vështirë që kanë me babanë dhe të merren edhe me aktoren amerikane, të pranishme në mes të dinamikës së ndërlikuar të familjes së tyre.

Vajza nga fshati, Giselle është dashuruar me Albrecht-in. Kur zbulon se ai është në të vërtetë një fisnik i premtuar te një tjetër, ajo vret veten nga dëshpërimi. Shpirti i saj bashkohet me Wili-t: fantazmat hakmarrëse të grave të vendosura të vrasin çdo burrë që u del përpara në një valle deri në vdekje. I rrënuar nga faji, Albrecht viziton varrin e Giselle-s, ku duhet të përballet me Wili-t - dhe fantazmën e Giselle-s. Prodhimi i vitit 1985 nga Peter Wright i këtij baleti romantik është një klasik i repertorit të The Royal Ballet. Me muzikën prekëse të Adolphe Adam dhe me dizajne atmosferike nga John Macfarlane, Giselle sjell ndërmend sferat tokësore dhe të botës tjetër në një rrëfim dashurie, tradhtie dhe shpengimi.

Nga Maggie Gyllenhaal, me Jessie Buckley-n, fituesin e çmimit Oskar Christian Bale, Annette Bening, Jake Gyllenhaal dhe fituesen e çmimit Oskar Penélope Cruz, vjen NUSJA! Një rishpikje e guximshme dhe provokuese e njërës prej historive më drithëruese të treguara ndonjëherë. Frankenshtajni i vetmuar (Bale) udhëton në Çikagon e viteve 1930 për t'i kërkuar shkencëtares revolucionare dr. Eufroniosit (pesë herë e nominuar për çmimin Oskar Annette Bening) të krijojë një shoqëruese jete për të. Të dy ringjallin trupin e një të reje të vrarë dhe kështu lind Nusja (Buckley). Ajo që pason tejkalon çdo pritshmëri: VRASJE. OBSESION. LËVIZJE RADIKALE. DASHURI E NDALUAR! Një romancë shpërthyese që do t'i vërë botës flakën.

Po sikur të mundnim të flisnim me kafshët dhe të kuptonim për çfarë flasin? Në aventurën më të re të Disney-t dhe Pixar-it “Skokoumci”, shkencëtarët zbulojnë se si vetëdija njerëzore “hidhet” në kafshë robotike, duke u mundësuar njerëzve të komunikojnë me kafshët si vetë kafshë. Gjatë kësaj aventure njohim Martën, një adhuruese të kafshëve, e cila përfiton nga kjo teknologji e re për të zbuluar një mister të botës shtazore që nuk e kishte imagjinuar kurrë se do të ishte i mundur.

Me Joe Keery (Stranger Things), Georgina Campbell (Barbarian) dhe Liam Neeson (Naked Gun), si dhe nga ekipi që ka krijuar hitet Zombieland, Jurassic Park, Spider-Man dhe Mission: Impossible, vjen COLD STORAGE, një aventurë shpërthyese plot adrenalinë, një film argëtues “popcorn” që nuk duhet humbur.   Kur një kërpudhë jashtëzakonisht ngjitëse dhe që ndryshon vazhdimisht arratiset nga një laborator i izoluar rreptësisht, dy punonjës të rinj, së bashku me një agjent me përvojë në bioterrorizëm duhet t'i mbijetojnë turnit më të çmendur të natës për të shpëtuar njerëzimin nga zhdukja, ndërsa mikroorganizmi përhapet dhe shkatërron që i del para.

Nga regjisori vizionar Olivier Assayas, me një kastë të shkëlqyer të kryesuar nga Jude Law, Alicia Vikander dhe Paul Dano, vjen filmi Magjistari i Kremlinit, një thriller i tensionuar politik dhe subversiv për pushtetin, pasionin dhe manipulimin, bazuar në bestsellerin ndërkombëtar të Giuliano da Empoli, i cili zbulon ngritjen e Vladimir Putinit përmes syve të këshilltarit të tij më misterioz, Vadim Baranov. Rusia në fillimin e viteve '90. Mes kaosit post-sovjetik, një i ri gjenial, Vadim Baranov, kërkon rrugën e tij. Fillimisht artist, më pas producent i reality show-ve, bëhet shpejt strateg politik i agjentit në ngjitje të KGB-së, Vladimir Putin. Në zemër të pushtetit, Baranovi formëson Rusinë e re, duke mjegulluar vijën mes së vërtetës dhe gënjeshtrës, besimit dhe manipulimit. Vetëm karizmatikja Ksenia mbetet jashtë kontrollit të tij, një grua që e tundon ta braktisë lojën e rrezikshme. Vite më vonë, pasi është tërhequr në heshtje dhe fshehtësi, Baranovi flet më në fund, duke zbuluar sekretet e errëta të regjimit që ndihmoi të ndërtohej.

I rritur nga një xhuxh intrigant dhe i pavetëdijshëm për origjinën e tij të vërtetë familjare, një i ri nis një udhëtim epik. Së shpejti, fati e sjell atë ballë për ballë me një shpatë të thyer, një dragua të frikshëm dhe unazën e mallkuar që ajo ruan, dhe një Valkyrie të detyruar të bjerë në një gjumë të magjepsur... Momente bukurie transcendente dhe triumfi heroik shkëlqejnë në kapitullin e tretë të ciklit të Unazës së Wagnerit, të sjellë në jetë nën syrin e frymëzuar të Barrie Kosky pas veprës së tij spektakolare Das Rheingold (2023) dhe Die Walküre (2025). Andreas Schager, në debutimin e tij shumë të pritur me The Royal Opera, luan rolin e heroit titullar të Siegfried, së bashku me Endacakun gjigant të Christopher Maltman, Mime-n e pabesë të Peter Hoare dhe Brünnhilden rrezatuese të Elisabet Strid. Antonio Pappano dirigjon, duke nxjerrë në pah tensionet e pathëna dhe misticizmin eterik të partiturës dinamike të Wagnerit.

Princesha Pamina është kapur rob. Nëna e saj, Mbretëresha e Natës, i ngarkon Princit të ri Tamino shpëtimin e vajzës së saj. Por kur Tamino dhe ndihmësi i tij miqësor, Papageno, nisin aventurën e tyre, ata shpejt mësojnë se kur bëhet fjalë për kërkimin e dashurisë, asgjë nuk është ashtu siç duket në të vërtetë. Të udhëhequr nga një flaut magjik, ata hasin përbindësha, keqbërës dhe një vëllazëri misterioze burrash - por ndihm, vjen kur më pak e prisni. Opera fantastike e Mozartit shkëlqen në prodhimin magjepsës të David McVicar. Një kast yjesh, përfshirë Julia Bullock si Pamina, Amitai Pati si Tamino, Huw Montague Rendall si Papageno, Kathryn Lewek si Mbretëresha e Natës dhe Soloman Howard si Sarastro, të udhëhequr nga dirigjentja franceze Marie Jacquot në debutimin e saj në Covent Garden.