Gold Class

Një Predator i ri i dëbuar përpiqet të shpëtojë ndërsa kalon nëpër egërsirat e një planeti të rrezikshëm, duke ushtruar aftësitë e tij në përballje me kundërshtarë të pamëshirshëm. Qëllimi i tij është të mposht krijesën më vdekjeprurëse me të cilën është përballur ndonjëherë raca e tij, por udhëtimi e çon drejt një aleance të pabesueshme kur zbulon ekzistencën e një të keqeje edhe më të madhe.

Adrenalinë, manipulim dhe luftë kundër sistemit - ky është televizioni i së ardhmes. Bazuar në romanin e Stephen Kingut. Në një të ardhme distopike jo shumë të largët, emisioni më i ndjekur nuk është një garë talentesh, por një betejë për mbijetesë. Programi sjell së bashku Runners, kandidatë të dëshpëruar që duhet të mbijetojnë një gjueti 30-ditore nga vrasës profesionistë. Çdo gjë regjistrohet. Çdo gjë transmetohet. Publiku i etur për gjak voton me para dhe çmimi rritet çdo ditë. Kur Ben Riçardsi (Glen Powell), nga klasa punëtore, pranon të marrë pjesë për të shpëtuar vajzën e tij të sëmurë rëndë, producenti Den Kilian (Josh Brolin) sheh historinë e përsosur. Por Beni nuk është një Runner i zakonshëm. Mosbindja, zgjuarsia dhe instinktet e tij të mbijetesës e shndërrojnë atë në një hero kombëtar dhe një kërcënim të mundshëm për gjithë sistemin. Ndërsa shikueshmëria thyen çdo rekord, bëhet e qartë: sistemi nuk do fitues. Vetëm gjak. Beni duhet t'i mashtrojë Gjahtarët, të mbijetojë në spektakël dhe të zbulojë të vërtetën, përpara se një komb i uritur për vdekje ta fshijë përgjithmonë nga ekrani.

Një arratisje romantike shndërrohet në makth kur një shtëpizë e izoluar zbulon sekretet e saj më të errëta. Lizi dhe Malkolmi shkojnë në një kabinë të vetmuar për një fundjavë romantike për përvjetor. Por kur Malkolmi kthehet papritur në qytet, Lizi mbetet vetëm... dhe kupton se nuk është vetëm. Një e keqe e paimagjinueshme zgjohet në heshtjen e pyllit dhe muret e shtëpizës fshehin një tmerr që nuk është menduar kurrë të zbulohej.

Nga studioja Warner Bros. Pictures dhe nga regjisori Paul Thomas Anderson, kandidat për çmimin Oskar dhe fitues i çmimit BAFTA, vjen një dramë kriminale me protagonist fituesin e çmimit Oskar Leonardo DiCaprio. Fituesit e çmimit Oskar Benicio del Toro dhe Sean Penn luajnë gjithashtu krah Regina Hall-it, Teyana Taylor-it dhe Chase Infinitit, si dhe Wood Harrisit dhe Alana Haimit. Anderson e drejton filmin nga skenari i tij dhe e prodhon bashkë me Adam Somnerin dhe Sara Murphy-n, kandidatë për çmimin Oskar dhe BAFTA, ndërsa Will Weiske është producent ekzekutiv.

Një djalosh i quajtur Elio, pa dashje, përfundon në një vend të panjohur dhe të huaj, të njohur si hapësira midis galaktikave dhe objekteve të tjera kozmike. I tërhequr dhe me imagjinatë të pasur, ai gjendet papritur në një organizatë ndërplanetare ku marrin pjesë përfaqësues nga galaksi të largëta. I keqkuptuar si përfaqësuesi kryesor i Tokës dhe i papërgatitur për një rol të tillë, Elio përpiqet me zgjuarsi të krijojë lidhje me krijesat e çuditshme jashtëtokësore, të kalojë një sërë sprova dhe të zbulojë se kush është ai në të vërtetë.