Gold Class

Në MASTERS OF THE UNIVERSE, regjisori Travis Knight e rikthen këtë storje legjendare në ekranin e madh në një aventurë epike si të ishte një videolojë. Pas 15 vitesh ndarje, Shpata e Fuqisë e udhëheq Princin Adam (Nicholas Galitzine) përsëri në Eternia, ku ai zbulon se shtëpia e tij është shkatërruar nën sundimin e lig të Skeletor-it (Jared Leto). Për të shpëtuar familjen dhe botën e tij, Adam-i duhet të bashkojë forcat me aleatët e tij më të afërt, Teela (Camila Mendes) dhe Duncan/Man-At-Arms (Idris Elba), dhe të pranojë fatin e tij të vërtetë si He-Man - njeriu më i fuqishëm në univers.

Saga kult rikthehet me një film të ri, ku ekipi legjendar ribashkohet për të tallur pa mëshirë gjithçka që industria moderne e horrorit e konsideron të paprekshme sot. Plot 26 vite pasi i shpëtuan një vrasësi me maskë që i ngjante shumë Ghostface, heronjtë e kësaj parodie kult të horrorit gjenden sërish në shënjestër, dhe këtë herë, asnjë sagë horror nuk është e sigurt. Ribërje të reja, versione të rixhiruara, vazhdime hibride, histori pararendëse, spin-off-e, horror "inteligjent", rrëfime të origjinës dhe pafund "kapituj finalë" që kurrë nuk janë vërtet të fundit, të gjitha përfshihen në këtë zbërthim komik dhe të pamëshirshëm të industrisë moderne të filmit. Asgjë nuk është e paprekshme dhe asnjë klishe nuk i shpëton kritikës. Vëllezërit Wayans brothers rikthehen për të tronditur edhe një herë rregullat e lojës me humorin e tyre karakteristik dhe lirinë e plotë të satirës, duke na kujtuar se e vetmja gjë më e frikshme se përbindëshat në horror është fakti që në fund gjithçka përfundon si parodi.

Nga studio A24 vjen një nga filmat horror më të shumëpritur të vitit, një përshtatje kinematografike rrëqethëse e legjendës virale të internetit Backrooms, me regji nga autori i ri Kane Parsons dhe me një kast të udhëhequr nga Chiwetel Ejiofor dhe Renate Reinsve. Në bodrumin e një dyqani mobiliesh që duket krejt i zakonshëm, shfaqet një derë e çuditshme. Backrooms i çon shikuesit në një dimension shqetësues të të ashtuquajturave “hapësira liminale”, një botë paralele ku realiteti shpërbëhet, arkitektura ndryshon para syve tanë dhe forca të panjohura fshihen në hapësira të pafundme e bosh. Ajo që nis si një zbulim në dukje i padëmshëm, shpejt shndërrohet në një makth nga i cili mund të mos ketë kthim. I bazuar në një seri virale në YouTube që është bërë fenomen global i horrorit online, filmi ofron një përvojë unike frike, atë ndjesinë e pakëndshme kur hyn në një vend ku nuk duhej të ishe kurrë.