Bob Sfungjeri dhe miqtë e tij nga Bikini Bottom nisin aventurën e tyre të re më të madhe e të paharrueshme në film… Bob Sfungjeri Filmi: Kërkimi i Pantallonakatrorit! Duke dashur të provojë veten si një "djalë i vërtetë", Bob Sfungjeri vendos t'ia tregojë guximin zotit Pliers duke ndjekur Holandezin Fluturues, një pirat misterioz e i frikshëm, në një aventurë komike detare që e çon deri në thellësitë më të errëta të oqeanit… më larg se ku ka shkuar çdo sfungjer!
Një familje minjsh është e zënë me përgatitjet e pushimeve në shtëpinë e tyre të kpndshme në fshat-derisa vjen një familje e vërtetë nga qyteti, që përpiqen t'i largohen jetës së përditshme. Por këta minj të vendosur nuk kanë ndërmend të dorëzojnë hapësirën e tyre pa luftë! Nëpërmjet disa manovrash të zgjuara-dritash që dridhen, tingujsh misteriozë gërricjeje, dhe gjëra të tjera - minjtë organizojnë një ofensive të guximshme që do t'iu bëjë t'i mbështesni këta "bezdisës" trazovaçë gjatë gjithë filmit!
Detektivët Judy Hopps dhe Nick Wilde gjenden në gjurmët e një reptili misterioz që mbërrin në Zootropolisin e njohur, duke e përmbysur tërësisht këtë metropol të kafshëve. Judy dhe Nick duhet fshehurazi të udhëtojnë në pjesë të reja dhe të paeksploruara të qytetit, ku partneriteti i tyre i fortë vihet në provë si kurrë më parë. 100%
DreamWorks Animation e ngre nivelin serialit të tyre shumë të suksesshëm në aventurën e parë kinematografike me Gabby's Dollhouse: The Movie. Që nga debutimi i serialit Gabby's Dollhouse në 2021, fëmijët në gjithë portën kanë bërë festa fantastike me Gebin dhe miqtë e saj në Netflix. Krijuar nga rrëfyeset e njohura Traci Paige Johnson dhe Jennifer Twomey, Gabby's Dollhouse është një serial miks për fëmijë parashkollorë që tregon një surprizë para se të na zhysë në një bitë fantastike vizatimore plot me mace të adhurueshme që jetojnë brenda shtëpisë së kukullave të Gebit. Në filmin e ri, Gebi, (Laila Lockhart Kraner, që merr rolin nga seriali) niset në një udhëtim me gjyshen e saj Xhixhi (fituesja e katër çmimeve Grammy Award Gloria Estefan) për në botën urbane dhe të mrekullueshme të Maç-Fransiskos. Por kur shtëpia e kukullave të Gebit, përfundon në duart e një gruaje eksentrike të quajtur Vera (kandidatja për çmimin Oscar® Kristen Wiig), Gebi nis një aventurë nëpër botën reale për të mbledhur sërish macet Gebi dhe për ta shpëtuar shtëpinë e kukullave para se të jetë shumë vonë.
Kriminelët e preferuar të të gjithëve janë rikthyer dhe tani nuk janë vetëm. Në kapitullin e ri të mbushur me aksion nga komedia e suksesshme e DreamWorks Animation, për një bandë kafshësh kriminale të jashtëzakonshme, Djemtë e Këqij, tashmë të reformuar, po përpiqen (shumë, shumë madje) që të jenë të mirë, por e gjejnë veten të përfshirë pa dëshirë në një grabitje shumë të rrezikshme të nivelit të lartë, të organizuar nga një bandë e re kriminelesh që atyre s’ua merrte mendja: Vajzat e Këqija. Bazuar në serinë e librave best-seller të New York Times nga Aaron Blabey, që arritën nga tetë milionë në 30 milionë kopje të shitura që nga dalja e filmit të parë në 2022, The Bad Guys 2 ka kastin origjinal të yjeve të kinemasë, të udhëhequr nga fituesi i çmimit Oskars ® Sam Rockwell si Zoti Ujk, kandidati për çmimin SAG Marc Maron si hapësi i kasafortave Zoti Gjarpër, kandidati për çmimin SAG Craig Robinson si mjeshtri i maskimit, Zoti Peshkaqen, fituesi i çmimit Grammy Anthony Ramos si Zoti Piranja dhe fituesja e çmimit Emmy Awkwafina si hakerja Zonjushë Tarantula, e njihur si “Rrjeta.” Kastit të aktorëve të zërit i shtohet një treshe shumë e fuqishme nga bota e komedisë si Vajzat e këqija: kandidatja për çmiminOscar® Danielle Brooks (The Color Purple) si udhëheqësja e Bad Girls Kotelja Kiti, një leoparde e zgjuar dhe dinake bore; kandidatja e çmimit Oscar® Maria Bakalova (Borat Subsequent Movie Film) si Bishtaleci, një inxhinjere e shkëlqyer nga Bullgaria; dhe kandidatja e çmimit Emmy dhe ikona e komedisë Natasha Lyonne (Russian Doll, Poker Face) si Fundi, një korb ironik me talent për mashtrime.
Në një film të ri të animuar hit, legjendarët Štrumpfët kthehen në ekranet e mëdha, më të përgatitur, më të kaltër dhe më argëtues se kurrë më parë!Në versionin origjinal të filmit, magjinë vokale për Štrumpfeten e sjell askush tjetër përveç sensacionit global të pop-it, Rihanna! Ky udhëtim i Štrumpfëve është i mbushur me këngë ngjitëse dhe numra dinamikë vallëzimi, ku e gjithë fshati i Štrumpfëve do të tregojë kuptimin e vërtetë të bashkëpunimit, optimizmit dhe besimit në sukses. Përmes kthesave të papritura dhe situatave komike, kjo shoqëri tregon se edhe pengesat më të mëdha mund të kalohen me pak magji, vullnet të mirë dhe një zemër të madhe dhe të kaltër.Përzierja perfekte e humorit, muzikës së shkëlqyer dhe animacionit fantastik e bën këtë film një shpërblim të vërtetë për shikuesit e të gjitha grupeve të moshave.
Një djalosh i quajtur Elio, pa dashje, përfundon në një vend të panjohur dhe të huaj, të njohur si hapësira midis galaktikave dhe objekteve të tjera kozmike. I tërhequr dhe me imagjinatë të pasur, ai gjendet papritur në një organizatë ndërplanetare ku marrin pjesë përfaqësues nga galaksi të largëta. I keqkuptuar si përfaqësuesi kryesor i Tokës dhe i papërgatitur për një rol të tillë, Elio përpiqet me zgjuarsi të krijojë lidhje me krijesat e çuditshme jashtëtokësore, të kalojë një sërë sprova dhe të zbulojë se kush është ai në të vërtetë.
Rimejku i klasikut të Disney-t nga viti 2002, „Lilo dhe Stich“, është një histori qesharake dhe prekëse për një vajzë të vetmuar nga Havai dhe një alien të arratisur, i cili ndihmon familjen e saj të shpërbërë të përmirësohet.
