Gold Class

Bazuar në bestsellerin botëror të Freida McFadden-it, Amanda Seyfried dhe Sydney Sweeney, nën regjinë e Paul Feig, sjellin historinë plot tension të një shtëpie të mbushur me sekrete dhe me rreziqet që fshihen pas dyerve të mbyllura. Milli (Sydney Sweeney) është një vajzë e re që kërkon një fillim të ri dhe gjen një punë si pastruese për çiftin e pasur Nina (Amanda Seyfried) dhe Andrew (Andrew Sklenar). Por ajo që fillimisht duket si një strehë e sigurt, shpejt shndërrohet në një kurth klaustrofobik. Milli zbulon se sekretet e familjes janë shumë më të rrezikshme dhe më të errëta sesa ajo mund ta kishte imagjinuar ndonjëherë. Botuar në vitin 2022, The Housemaid u bë një fenomen ndërkombëtar, duke shitur mbi një milion kopje dhe duke qëndruar mbi një vit në listën e bestsellerëve të New York Times.

Nën regjinë e Halil Budakovës dhe Merita Budakovës Pasi largohet në mal për t’u shkëputur nga e kaluara e errët, Toni detyrohet të rikthehet në qytet kur një ngjarje e rëndë godet familjen e tij. Rikthimi i tij ndez përplasjen me bandat që merren me trafikim, prostitucion, drogë dhe dhunë, ndërsa policia përpiqet të frenojë kaosin në rritje. Në një rrugëtim të mbushur me të papritura, drejtësia dhe hakmarrja përplasen, duke kulmuar me ballafaqimin e pamëshirshëm mes Tonit dhe Ferrit. Një histori rikthimi, beteje dhe vendimesh që ndryshojnë gjithçka.