Jason Statham në rolin kryesor dhe Sylvester Stallone si skenarist bashkojnë forcat për të sjellë një spektakël aksioni të pandalshëm! Jason Statham rikthehet në këtë thriller revolucionar si Levon Keidi, një burrë që ka lënë pas të shkuarën e tij të rrezikshme dhe ka gjetur paqen në industrinë e ndërtimit. Ndërsa përpiqet të jetë një baba i mirë e të jetojë më në fund një jetë të thjeshtë, bota e tij përmbyset kur vajza e shefit të tij zhduket pa asnjë gjurmë. Në përpjekje për ta gjetur, Levoni duhet t’i rikthehet aftësive që dikur e bënë një legjendë në botën sekrete të operacioneve speciale. Por, sa më thellë hyn në hetim, aq më shumë zbulon një konspiracion të errët që kërcënon të shkatërrojë jo vetëm paqen e tij të sapogjetur, por edhe jetët e atyre që ai do më shumë.
Jason Statham rikthehet në formë të shkëlqyer aksioni në thrillerin e ri plot tension nga regjisori i filmave hit Greenland dhe Angel Has Fallen! Ngjarja ndjek një burrë të vetmuar në një ishull skocez, i cili gjen një vajzë në det, duke nisur kështu një zinxhir ngjarjesh që e detyrojnë të përballet me të shkuarën e tij.
Thrilleri aksion i vitit me Xhejson Statham sjell një histori shpërthyese tradhtie, hakmarrjeje dhe komploti ndërkombëtar në të cilin nuk mund t’i besohet askujt. Pasi bëhet dëshmitar i vrasjes brutale të punëdhënësit të tij të pasur, Koul Rid akuzohet padrejtësisht për një krim që nuk e ka kryer. I detyruar t’i shpëtojë ligjit, ish-ushtari i forcave speciale nis kërkimin e tij për të vërtetën. Gjurmët e çojnë drejt një anijeje mallrash në mes të oqeanit, ku zbulon se pas vrasjes fshihet një komplot i gjerë ndërkombëtar. Ndërsa ndiqet nga vrasës me pagesë dhe agjentë të korruptuar, Ridi duhet të përdorë të gjitha aftësitë e tij për të zbuluar të vërtetën, për të marrë hak për njeriun të cilit i ishte besnik dhe për të ndalur një plan me pasoja të mëdha. Në një botë ku askujt nuk mund t’i besohet, rregulli i vetëm është të mbijetosh.
