KUSHTET E PËRGJITHSHME TË PËRDORIMIT TË BONOVE DHURATË (KARTELA DHURATË DHE BONI DHURATË GOLD CLASS) - nga data 19.06.2026
Dispozitat e përgjithshme
1. Kartelat Dhuratë dhe Boni Dhuratë Gold Class (në vijim së bashku: Bonet Dhuratë) lëshohen nga CineStar Megaplex Prishtina Mall, Magjistralja Prishtinë-Ferizaj, Km 10-të, Graçanicë, 10000 Prishtinë, Numri Unik Identifikues (NUI): 811930438, Numri TVSH: 330539926 (në vijim: Lëshuesi).
Mbajtës i Bonit Dhuratë (në vijim: Mbajtësi) mund të jetë çdo person fizik ose juridik që kërkon në arkën e kinemasë, online ose përmes shitjes B2B një Kartelë Dhuratë ose Bon Dhuratë Gold Class.
Përdorues i Bonit Dhuratë është Mbajtësi ose personi të cilin Mbajtësi e autorizon për përdorimin e Bonit Dhuratë. Mbajtësi dhe Përdoruesi i Bonit Dhuratë nuk duhet domosdoshmërisht të jenë i njëjti person.
Boni Dhuratë nuk lëshohet ekskluzivisht në emër të Mbajtësit dhe është i transferueshëm.
Duke përdorur Bonet Dhuratë dhe/ose duke rezervuar dhe/ose porositur një shërbim që paguhet me Bon Dhuratë dhe/ose duke blerë ose përfituar në ndonjë mënyrë tjetër Bon Dhuratë, ju pranoni këto Kushte të Përgjithshme të Përdorimit të Bonit Dhuratë (“Kushtet e Përgjithshme”), si dhe të gjitha rregullat dhe kushtet e tjera për përdorimin e shërbimeve të Lëshuesit që janë në fuqi në momentin e përdorimit të tyre.
Nëse nuk pajtoheni me sa më sipër, ju lutemi mos përdorni Bonet Dhuratë, mos rezervoni apo porositni shërbime që paguhen me Bon Dhuratë dhe mos blini apo përfitoni në ndonjë mënyrë tjetër Bonet Dhuratë për përdorimin e shërbimeve të Lëshuesit.
Për të gjitha çështjet e tjera që lidhen me shërbimet, pagesat dhe përdorimin e përgjithshëm të multipleksit CineStar zbatohen rregullat në fuqi në momentin e përdorimit.
2. Lëshuesi rezervon të drejtën që në çdo kohë të ndryshojë dhe/ose plotësojë këto Kushte të Përgjithshme, dhe ndryshimet e tilla hyjnë në fuqi në ditën e publikimit të tyre.
Vazhdimi i përdorimit të Bonit Dhuratë pas ndryshimit të Kushteve të Përgjithshme konsiderohet si pranimi juaj i këtyre ndryshimeve ose plotësimeve.
Lëshuesi ju rekomandon që para përdorimit të çdo Boni Dhuratë, rezervimi, porosie, blerjeje ose përdorimi tjetër të shërbimeve të lidhura me Bonin Dhuratë, të kontrolloni këto Kushte të Përgjithshme për t’u njohur me ndryshimet eventuale.
3. Përdoruesi është i obliguar ta ruajë Bonin Dhuratë dhe të veprojë me kujdes ndaj tij, duke e përdorur vetëm në përputhje me këto Kushte të Përgjithshme.
4. Nuk mund të kërkohet kthimi në para i mjeteve të paguara në Kartelën Dhuratë, as kthimi i mjeteve të paguara për blerjen e Bonit Dhuratë Gold Class.
5. Bonet Dhuratë nuk garantojnë vend në një shfaqje të caktuar, prandaj rekomandohet që Përdoruesi i Bonit Dhuratë të blejë biletat me kohë.
Rezervimet aktualisht nuk janë të mundshme, përveç në bazë të Bonit Dhuratë Gold Class.
6. Nëse Lëshuesi vendos, për çfarëdo arsyeje, të tërheqë Bonet Dhuratë nga qarkullimi, Përdoruesit do t’i mundësohet përdorimi i tyre për një periudhë prej së paku tre (3) muajsh nga dita e marrjes së vendimit për tërheqje.
Për një vendim të tillë, Përdoruesi do të njoftohet përmes faqes së internetit të Lëshuesit (
www.cinestarcinemas-ks.eu).
7. Mbajtësi është i obliguar ta ruajë Bonin Dhuratë dhe të veprojë me përgjegjësi ndaj tij, duke e përdorur vetëm në përputhje me këto Kushte të Përgjithshme.
Gjithashtu, për arsye sigurie dhe për të parandaluar keqpërdorimet, Mbajtësi ose Përdoruesi është i obliguar të sigurohet që të gjitha veprimet në pikën e shitjes të kryhen në praninë e tij dhe që çdo paqartësi ose parregullsi të zgjidhet menjëherë.
8. Lëshuesi nuk mbledh dhe nuk përpunon të dhënat personale të Përdoruesit të Bonit Dhuratë në lidhje me përdorimin e Bonit Dhuratë, përveç të dhënave të Mbajtësit që janë të nevojshme për transaksionin e blerjes online të Bonit Dhuratë (përmes hyrjes në sistem me llogarinë e përdoruesit) ose për blerjet përmes shitjes B2B, për qëllimet e nevojshme për lëshimin e ofertës dhe realizimin e pagesës.
Detajet lidhur me mënyrën e mbledhjes dhe përpunimit të të dhënave personale, të drejtat e Mbajtësit si subjekt i të dhënave dhe mënyra e ushtrimit të tyre, janë të përcaktuara në Deklaratën e Privatësisë e cila është e disponueshme në faqen
www.cinestarcinemas-ks.eu dhe në arkën e kinemasë.
Ju lutemi të njiheni me përmbajtjen e saj përpara se të jepni të dhënat tuaja personale.
9. Pronari i Kartelës është i obliguar ta ruajë Kartelën në mënyrë të sigurt dhe ta mbrojë atë nga qasja e personave të tretë të paautorizuar.
10. Për zgjidhjen e mosmarrëveshjeve eventuale kompetente është gjykata në Prishtinë.
Humbja e Bonit Dhuratë
11. Lëshuesi nuk merr përsipër asnjë detyrim financiar ose përgjegjësi për dëmet që mund të lindin si rezultat i humbjes ose vjedhjes së Bonit Dhuratë.
Ankesat
12. Ankesat, si dhe informacionet shtesë lidhur me përdorimin e Bonit Dhuratë, mund të zgjidhen në arkën e kinemasë ose përmes e-mailit:
[email protected].
Lëshimi i Kartelës Dhuratë CineStar
13. Mbajtësi mund të kërkojë lëshimin e një Kartelë Dhuratë në vlerë prej minimumi 10 € deri në maksimum 100 € (duke përdorur modelin inkremental, përkatësisht prerje me rritje prej 5 € brenda intervalit fiks, p.sh. 10, 15, 20, 25…100), online, në arkën e multipleksit CineStar ose përmes shitjes B2B.
Në rastin e Kartelave Dhuratë fizike, në pjesën e pasme të kartelës është i shënuar shuma e Kartelës Dhuratë.
Gjithashtu, në pjesën e pasme është i shtypur kodi QR, fusha për datën dhe informacioni se kartela vlen dy (2) vite nga data e lëshimit dhe se shuma mund të përdoret në mënyrë të përsëritur.
Në rastin e Kartelave Dhuratë të blera online, Mbajtësi në adresën e e-mailit të dhënë gjatë blerjes (ose të lidhur me llogarinë e përdoruesit) merr konfirmimin e blerjes dhe një dokument PDF që mund të përdoret i printuar ose i shfaqur në ekranin e pajisjes mobile.
Për blerje online kërkohet një llogari aktive e përdoruesit.
14. Blerja e Kartelës Dhuratë nuk është e mundur me shtyrje pagese dhe/ose pagesë me këste.
15. Gjatë blerjes së Kartelës Dhuratë nuk aplikohen zbritje.
Përdorimi i Kartelës Dhuratë CineStar
16. Kartela Dhuratë mund të përdoret si mjet pagese për bileta dhe produkte të blera online ose në arkën e kinemasë.
Përdoruesi duhet të paraqesë Kartelën Dhuratë fizike, Kartelën e printuar ose Kartelën e shfaqur në ekranin e pajisjes mobile.
Kartela Dhuratë duhet të ketë një kod QR të dukshëm për t’u përdorur si mjet pagese në arkën e kinemasë.
Për përdorim online, kërkohet kodi i Kartelës Dhuratë, i cili mund të futet në fushën e paraparë gjatë transaksionit, dhe Kartela mund të shtohet në llogarinë e përdoruesit.
17. Kartela Dhuratë vlen dy (2) vite nga data e blerjes dhe pas skadimit të këtij afati nuk mund të përdoret.
Mbajtësi ose Përdoruesi nuk ka të drejtë në kthimin e shumës së Kartelës Dhuratë në rast të mospërdorimit ose përdorimit të pjesshëm të saj brenda afatit të vlefshmërisë.
Nuk është e mundur zëvendësimi i Kartelës Dhuratë me një Kartelë tjetër Dhuratë.
18. Shuma e Kartelës Dhuratë mund të përdoret në mënyrë të përsëritur.
19. Kartela Dhuratë mund të përdoret vetëm në kinemanë CineStar.
20. Me përdorimin e Kartelës Dhuratë për pagesën e biletave dhe produkteve mblidhen Yje (Zvjezdice) brenda programit Stars Club.
Yjet nuk mblidhen gjatë blerjes së vetë Kartelës Dhuratë.
Për detaje mbi pjesëmarrjen në Stars Club dhe kushtet e mbledhjes së Yjeve, ju lutemi shikoni Kushtet e Përgjithshme të programit.
21. Gjendja (saldoja) e Kartelës Dhuratë mund të kontrollohet në arkën e kinemasë, ku përdoruesi do të marrë informacion verbal mbi gjendjen, ose online pas kryerjes së transaksionit, ku saldoja do të shfaqet në e-mailin e dërguar pas përdorimit të Kartelës Dhuratë.
22. Gjendja (saldoja) e Kartelës Dhuratë nuk mund të rimbushet (p.sh. me pagesë shtesë).
Lëshimi i Bonit Dhuratë Gold Class
23. Mbajtësi mund të kërkojë lëshimin e Bonit Dhuratë Gold Class në arkën e multipleksit CineStar ose përmes shitjes B2B.
24. Së bashku me Bonin Dhuratë Gold Class do të merrni edhe faturën në të cilën është i paraqitur kodi QR dhe data e lëshimit.
Përdorimi i Bonit Dhuratë Gold Class
25. Boni Dhuratë Gold Class mund të përdoret si mjet pagese vetëm në arkën e kinemasë me paraqitjen e faturës që përmban një kod QR të lexueshëm.
26. Boni Dhuratë Gold Class përfshin dy bileta për kinemanë Gold Class dhe dy menu sipas zgjedhjes së mysafirit nga oferta aktuale gastro.
27. Boni Dhuratë mund të zëvendësohet me një shfaqje filmi sipas dëshirës nga programi i rregullt i kinemasë Gold Class.
Boni Dhuratë Gold Class mund të përdoret brenda gjashtë (6) muajve nga data e lëshimit, pas së cilës nuk është më i vlefshëm.
Mbajtësi ose Përdoruesi i Bonit Dhuratë nuk fiton të drejtën për kthimin e shumës së Bonit Dhuratë në rast se nuk e përdor atë brenda afatit të vlefshmërisë.
Boni Dhuratë Gold Class nuk vlen për shfaqjet para-premierë të filmave.
Boni Dhuratë Gold Class vlen për të gjitha ditët dhe të gjitha shfaqjet, përveç aksioneve/ngjarjeve speciale që sipas listës së çmimeve janë më të shtrenjta se shfaqjet standarde.
