Nga kompania filmike New Line Cinema vjen vazhdimi i nëntë nga bota e “The Conjuring”, një film që ka fituar mbi dy miliardë dollarë në biletari. Veterani i sagës, Michael Chaves, rikthehet si regjisor, ndërsa arkitektët e sagës, James Wan dhe Peter Safran, janë producentë. Ky vazhdim sjell një kapitull të ri dhe emocionues të kësaj historie kulti, bazuar në ngjarje të vërteta. Vera Farmiga dhe Patrick Wilson rikthehen në rolet e tyre si hetuesit paranormalë në jetën reale, Ed dhe Loreinë Uoren, në rastin më të tensionuar deri më sot, që do të shtyjë edhe më tej kufijtë e kësaj sage ndërkombëtare.
Në orën 2:17 të mëngjesit, çdo fëmijë në klasën e zonjës Gendi u zgjua, doli nga krevati, zbriti shkallët, hapi derën kryesore, doli në errësirë… dhe nuk u kthye më kurrë. Nga studio New Line Cinema dhe mendja krejtësisht origjinale e Zach Cregger-it, autori i filmit Barbarian, vjen një thriller horror misterioz. Kur të gjithë fëmijët e klasës, përveç njërit, zhduken në të njëjtën kohë e në të njëjtën natë, komuniteti pyet: kush apo çfarë qëndron pas zhdukjes së tyre?
Filmi horror më i mirë i vitit! Pas viteve në lidhje, Timi dhe Mili (Dave Franco dhe Alison Brie) ndodhen në një pikë kthese në jetën e tyre kur vendosin të shpërngulen në fshat, duke lënë pas gjithçka që kishin njohur. Tensionet rriten dhe një makth fillon: një fuqi e mistershme dhe jonatyrore kërcënon të shkatërrojë jetën e tyre, dashurinë, madje edhe trupat e tyre.
Kur një luftëtar sfidon fatin për një dashuri të humbur, lind një i pavdekshëm, hija e të cilit dridh agimin. Luc Besson sjell një histori epike për origjinën e legjendës, kur Princi Vlad, mes gjaku dhe lotësh, u bë Drakula. Princi Vlad II, konti Drakula, jeton vetëm për dashurinë e gruas së tij, princeshës Elisabeta, e pakrahasueshme për bukurinë dhe mirësinë e saj. Ajo është jeta, fryma dhe gjaku i tij – kuptimi i vetëm i ekzistencës së tij. Pas një lufte të lavdishme për Kishën, ai shembet nga dhimbja kur mëson për vdekjen e saj. I shkatërruar, ai rebelohet ndaj Zotit që ia mori të dashurën, dhe mallkon veten me pavdekësi. Kur mëson se dashuria e tij mund të rilindë një ditë, Drakula vendos të presë, për 400 vjet, deri kur e gjen sërish tek e reja Mina.
Kur një vëlla dhe një motër mbërrijnë në shtëpinë e izoluar të kujdestares së tyre të re, besojnë se më në fund po u buzëqesh një mundësi e re për jetë. Por pas një fasade të qetë fshihet një sekret i tmerrshëm – një ritual i lashtë që fshin kufijtë mes botës së të gjallëve dhe të vdekurve. Ndërsa dukuritë të pashpjegueshme bëhen gjithnjë e më të shpeshta dhe realiteti fillon të thyhet nën peshën e një tmerri të pashprehshëm, dy fëmijët duhet të zbulojnë të vërtetën përpara se të bëhen pjesë e një rituali nga i cili nuk ka kthim. Filmi nga regjisorët që kanë ripërcaktuar tregimin bashkëkohor të zhanrit, KTHEHU TEK UNË eksploron temat e pikëllimit, obsesionit dhe sakrificës – dhe shtron pyetjen: sa larg jemi të gatshëm të shkojmë për ata që i duam?
"Të Huajt" rikthehen, më brutalë, më të pamëshirshëm dhe më të tmerrshëm se kurrë më parë, në një kapitull të ri dhe të përgjakshëm të sagës së horrorit kult. Kur zbulojnë se një nga viktimat e tyre, Maja (Madelaine Petsch), është ende gjallë, ata kthehen pa mëshirë – të vendosur ta përfundojnë atë që nisën. E bllokuar në një makth pa rrugëdalje dhe pa askënd të besuar, Maja duhet të mbijetojë një valë tjetër terrori, ndërsa Të Huajt e ndjekin pa reshtur – të shtyrë nga një dëshirë e sëmurë dhe e pamëshirshme për shkatërrim. Për ta nuk ka mëshirë, vetëm vdekje për këdo që u del përpara.
Nga producentët fitues të çmimit Oskar vjen një horror me hakmarrjeje mbinatyrore, i vendosur në moçalet atmosferike të Floridës. Ana (Peak), e shkatërruar nga vdekja e papritur e prindërve të saj, shpërngulet nga Nju Jorku në një qytet të vogël në Florida për të jetuar me gjyshen që nuk e kishte njohur kurrë. E izoluar, e pambrojtur dhe e etur për shoqëri, ajo gjen ngushëllim të përkohshëm në shoqërinë e dy adoleshentëve vendas (Benet, Xhajls). Por kur bëhet bashkëpunëtore në një akt të pafalshëm dhune, Ana gjendet në kthetrat e z. Sandman, shpirti i shtrembëruar i një fëmije të torturuar që përndjek ëndrrat e mujsharëve, e kur ata zgjohen, ua nxjerr dhe ua ha sytë. Ana duhet të ndreqë gabimet e saj para se të bjerë vetë viktimë e këtij mallkimi të tmerrshëm.
Para Dedpulit dhe Venomit… ishte Toksi. Heroi që na duhet sot! Ky është një rikrijim i filmit kult të viteve ’80 The Toxic Avenger. Në këtë version, vigjiluesi toksik luhet nga Peter Dinklage, ndërsa armiku i tij më i madh është Elijah Wood, pothuajse i panjohshëm në këtë rol. Historia ndjek Uinston Guzin, një pastrues i nënvlerësuar, i cili ekspozohet aksidentalisht ndaj një substance toksike shkatërruese. Trupi i tij shndërrohet në një hero radioaktiv dhe të pamëshirshëm: Toksi. Me forcë mbinjerëzore, ai del nga hijet për të luftuar kundër tiranëve korporativë dhe forcave të liga që rrezikojnë djalin, miqtë dhe gjithë komunitetin e tij. Në një botë të pushtuar nga lakmia... drejtësia jepet më mirë në formë radioaktive!
